ഛത്തീസ്ഗഢില്‍ ആദ്യഘട്ട തെരഞ്ഞെടുപ്പ് ഇന്ന്. ആദ്യഘട്ടത്തില്‍ വിധി എഴുതുന്നത് 20 മണ്ഡലങ്ങളാണ് . മാവോയിസ്റ്റ് സ്വാധീന മേഖലകളായ ബസ്തര്‍, ദന്തേവാഡ, സുക്മ, ബീജാപൂര്‍, കാങ്കീര്‍, രാജ്നന്ദഗാവ് നാരായണ്‍പൂര്‍ തുടങ്ങിയ ജില്ലകളിലെ മണ്ഡലങ്ങളാണ് ആദ്യഘട്ട വോട്ടെടുപ്പില്‍ പോളിങ് ബൂത്തിലെത്തുക.
ഇന്ന് നാല്‍പത് ലക്ഷത്തിലേറെ വോട്ടര്‍മാരാണ് പോളിംഗ് ബൂത്തിലെത്തുക. വോട്ടെടുപ്പ് നടക്കുന്ന ജില്ലകളില്‍ അര്‍ദ്ധ സൈനികവിഭാഗങ്ങളും സംസ്ഥാന പൊലീസും പൂര്‍ണ്ണമായും വിന്യസിച്ചിരിക്കുകയാണ്. പ്രശ്നബാധിതമായ അറുനൂറ് പോളിംഗ് ബൂത്തുകളില്‍ ത്രിതല സുരക്ഷയാണ് ഒരുക്കിയിരിക്കുന്നത്. ഡ്രോണ്‍ സുരക്ഷ അടക്കം ഇവിടങ്ങളില്‍ ഒരുക്കിയിട്ടുണ്ട്.