തിരുവനന്തപുരം : വിമാനത്താവളങ്ങളിൽ വൻ അവസരവുമായി എയർ ഇന്ത്യ എയർപോർട്ട് സർവീസസ് ലിമിറ്റഡ്. ഓഫീസർ (സെക്യൂരിറ്റി), ജൂനിയർ ഓഫീസർ (സെക്യൂരിറ്റി) തസ്തികകളിലേക്കാണ് എയർ ഇന്ത്യ എയർപോർട്ട് സർവീസസ് ലിമിറ്റഡ് അപേക്ഷ ക്ഷണിച്ചിരിക്കുന്നത്. മുംബയ്, ഡൽഹി വിമാനത്താവളങ്ങളിലാണ് ഇപ്പോൾ ഒഴിവുള്ളത്. ആകെ 172 ഒഴിവുകളിൽ മുംബയിൽ 145ഉം ഡൽഹി വിമാനത്താവളത്തിൽ 27 ഒഴിവുകളുമാണുള്ളത്.
ഓഫീസർ തസ്തികയ്ക്ക് 45000 രൂപയും ജൂനിയർ ഓഫീസർക്ക് 29760 രൂപയുമാണ് ശമ്പളം , മൂന്നു വർഷത്തെ കരാർ നിയമനമാണ്. എയർഇന്ത്യ എയർപോർട്ട് സർവീസസ് ലിമിറ്റഡിന്റെ താത്പര്യ പ്രകാരം ഇത് നീട്ടാൻ സാദ്ധ്യതയുണ്ട്.ജൂനിയർ ഓഫീസർ (സെക്യൂരിറ്റി) തസ്തികയിൽ 80 ഒഴിവുകളാണുള്ളത്. 29760 രൂപയാണ് ശമ്പളം. 10+2+3 സ്ട്രീമിൽ ഏതെങ്കിലും വിഷയത്തിലുള്ള ബിരുദവും ഏവിയേഷൻ സെക്യൂരിറ്റിയിലുള്ള (കുറഞ്ഞത് 13 ദിവസം ദൈർഘ്യം) സർട്ടിഫിക്കറ്റും കൂടാതെ മികച്ച ആശയവിനിമയ ശേഷിയും കംപ്യൂട്ടർ പരിജ്ഞാനവും ഉള്ളവരായിരിക്കണം അപേക്ഷകർ.
പ്രായം 45 കവിയരുത്.ഓഫീസർ (സെക്യൂരിറ്റി) ഓഫീസർ (സെക്യൂരിറ്റി) വിഭാഗത്തില്‍ 85 ഒഴിവാണുള്ളത്. 45000 രൂപയായിരിക്കും അടിസ്ഥാന ശമ്പളം. 10+2+3 സ്ട്രീമിൽ ഏതെങ്കിലും വിഷയത്തിലുള്ള ബിരുദവും ഏവിയേഷൻ സെക്യൂരിറ്റിയിലുള്ള (കുറഞ്ഞത് 13 ദിവസം ദൈർഘ്യം) സർട്ടിഫിക്കറ്റും കൂടാതെ മികച്ച ആശയവിനിമയശേഷിയും കംപ്യൂട്ടർ പരിജ്ഞാനവുമാണ് യോഗ്യത. ഏവിയേഷൻ സൂപ്പർവൈസർ കോഴ്‌സ്/കാർഗോ സൂപ്പർവൈ സർ കോഴ്സ‌സ്/ഏവിയേഷൻ കാർഗോ സെക്യൂരിറ്റി/ഡി ജി ആർ സർട്ടിഫിക്കറ്റുകളുള്ളവർക്ക് മുൻഗണന ലഭിക്കും.
എല്ലാ തസ്തികകളിലേക്കുമുള്ള ഉയർന്ന പ്രായപരിധിയിൽ എസ്. സി/എസ്ടി വിഭാഗക്കാർക്ക് അഞ്ച് വർഷവും ഒ ബി സിക്കാർക്ക് മൂന്ന് വർഷവും നിയമാനുസൃതമായ ഇളവ് ലഭിക്കും. വിമുക്ത ഭടൻമാർക്കും എസ് സി/എസ്ടി വിഭാ ഗക്കാർക്കും അപേക്ഷാഫീസ് ബാധകല്ല.