അടിമാലി: വെള്ളിയാഴ്ച പെയ്ത ശക്തമായ മഴയെ തുടർന്ന് അടിമാലി അമ്പലപ്പടിക്ക് സമീപം ഹോട്ടലിന്റെ മുകളിലേക്ക് മണ്ണിടിഞ്ഞ് വീണു. വൈകുന്നേരം ആറു മണിയോടുകൂടിയാണ് മണ്ണിടിച്ചിൽ ഉണ്ടായത്. അമ്പലംപടിക്കു സമീപം പ്രവർത്തിക്കുന്ന അൽമദീന ഹോട്ടലിനു മുകളിലേക്കാണ് മണ്ണിടിഞ്ഞത്. അപകടം നടന്ന ഉടൻ തന്നെ അടിമാലി ഫയർഫോഴ്സും, പോലീസും സംഭവസ്ഥലത്ത് എത്തുകയും സുരക്ഷാ നടപടികൾ സ്വീകരിക്കുകയും ചെയ്തു. ഹോട്ടലിന് സാരമായ കേടുപാടുകൾ സംഭവിച്ചിട്ടുണ്ടെങ്കിലും, മറ്റ് ആളപായങ്ങളൊന്നും സംഭവിച്ചിട്ടില്ല.