ബംഗളൂരു: ഷിരൂരില്‍ മണ്ണിടിച്ചിലില്‍ കാണാതായ അർജുൻ ഉള്‍പ്പടെയുള്ളവർക്കായുള്ള തിരച്ചില്‍ ഇന്നും തുടരും. ഡ്രഡ്ജർ ഉപയോഗിച്ച്‌ ഗംഗാവലി പുഴയിലെ മണ്ണ് നീക്കുന്നതിനൊപ്പം പ്രാദേശിക മുങ്ങല്‍ വിദഗ്ദൻ ഈശ്വർ മാല്‍പെയും തിരച്ചിലിനിറങ്ങും. നാവികസേന രേഖപ്പെടുത്തിയ ഒന്നും രണ്ടും പോയിന്റ് കേന്ദ്രീകരിച്ചാകും ഇന്നത്തെ തിരച്ചില്‍. ഡ്രഡ്ജർ ഈ ഭാഗങ്ങളില്‍ നങ്കൂരമിട്ട് കാമറ ഉപയോഗിച്ച്‌ അടിയിലെ ദൃശ്യം പകർത്തും. ഡ്രഡ്ജർ കമ്ബനിയുടെ ഡൈവർമാരാണ് ജലത്തിനടിയില്‍ ഉപയോഗിക്കാവുന്ന കാമറയുമായി മുങ്ങുക. ഗംഗാവലി പുഴയിലെ മണ്ണ് പൂർണമായും നീക്കാനാകാത്തതാണ് തിരച്ചിലിലെ പ്രധാന പ്രതിസന്ധി.