തിരുവനന്തപുരം: ഭക്ഷണവിതരണത്തിന്റെ മറവില്‍ കഞ്ചാവ് വില്‍പ്പന നടത്തിവന്ന രണ്ടുപേര്‍ അറസ്റ്റില്‍. ശ്രീകാര്യം സ്വദേശി അനീഷ്(25) കരമന സ്വദേശി വിഷ്ണു(25) എന്നിവരെയാണ് നരുവാമൂട് പോലീസ് സ്റ്റേഷൻ പരിധിയില്‍നിന്ന് ആന്റി നാര്‍ക്കോട്ടിക് സ്ക്വാഡ് റൂറല്‍ എസ്.പി. കിരണ്‍ നാരായണിന്റെ നേതൃത്വത്തിലുള്ള പോലീസ് സംഘം പിടികൂടിയത്. പ്രതികളില്‍നിന്ന് രണ്ടരക്കിലോ കഞ്ചാവും പിടിച്ചെടുത്തു. ഭക്ഷണവിതരണ കമ്ബനിയായ ‘സ്വിഗ്ഗി’യില്‍ ജോലിചെയ്തുവരുന്നതിന്റെ മറവില്‍ വീട് വാടകയ്ക്കെടുത്താണ് യുവാക്കള്‍ കഞ്ചാവ് കച്ചവടം നടത്തിയിരുന്നതെന്ന് പോലീസ് പറഞ്ഞു. വാടകവീട്ടില്‍ കഞ്ചാവ് ചെറുപൊതികളാക്കുന്നതിനിടെയാണ് രണ്ടുപേരെയും പോലീസ് സംഘം കസ്റ്റഡിയിലെടുത്തത്