കായംകുളം കെഎസ്ആർടിസി ബസ്റ്റാൻഡിലെ കോൺക്രീറ്റ് പാളി അടർന്നുവീണു ഒരാൾക്ക് ഗുരുതര പരിക്കേറ്റു. തിരുവനന്തപുരം ബാലരാമപുരം സ്വദേശി പരമേശ്വരൻ (76) ആണ് പരിക്കേറ്റത്. തലയ്ക്ക് ഗുരുതരമായി പരിക്കേറ്റ പരമേശ്വരനെ കായംകുളം താലൂക്ക് ആശുപത്രിയിൽ പ്രവേശിപ്പിച്ചു.
വൈകിട്ട് നാലരയോടെയാണ് സംഭവം. ലോട്ടറി വില്പനക്കാരനാണ് പരമേശ്വരൻ. താമസസ്ഥലമായ മാവേലിക്കരയിലേക്ക് പോകുവാൻ ബസ് കാത്ത് സ്റ്റാൻഡിൽ നിൽക്കുമ്പോഴാണ് അപകടം