പത്തനംതിട്ട: തിരുവല്ലയില്‍ കഞ്ചാവ് കേസ് പ്രതി എക്സൈസ് സര്‍ക്കിള്‍ ഇന്‍സ്‌പെക്ടര്‍ ബിജുവര്‍ഗീസിനെ വെട്ടിപരിക്കേല്‍പ്പിച്ചു. തിരുവല്ല പെരുന്തുരുത്തിയിലാണ് വ്യാഴാഴ്ച രാവിലെ 11 ഓടെ എക്സൈസ് ഉദ്യോഗസ്ഥന് നേരേ ആക്രമണമുണ്ടായത്.
കഞ്ചാവു കേസുമായി ബന്ധപ്പെട്ട് കുറേ ദിവസങ്ങളായി എക്സൈസ് സംഘം തിരയുന്ന ഷിബു തോമസിനെ അറസ്റ്റ് ചെയ്യാന്‍ വന്ന ഉദ്യോഗസ്ഥനെയാണ് പ്രതി ആക്രമിച്ചത്. എക്സൈസ് സംഘത്തിന്റെ പിടിയിലാകുമെന്ന് മനസ്സിലാക്കിയ ഷിബു വടിവാള്‍ കൊണ്ട് ഇന്‍സ്‌പെക്ടറെ വെട്ടിപരിക്കേല്‍പ്പിക്കുകയായിരുന്നു. സംഭവ സ്ഥലത്തു നിന്നും ഓടിരക്ഷപ്പെട്ട പ്രതിയെ പിന്നീട് പോലീസ് പിടികൂടി