വെഞ്ഞാറമൂട്: ജോലി കഴിഞ്ഞ് വീട്ടിലേക്കു മടങ്ങുകയായിരുന്ന യുവതിയെ നടുറോഡില്‍ കുത്തിക്കൊലപ്പെടുത്താന്‍ ശ്രമിച്ചയാള്‍ പിടിയില്‍. നേമം കല്ലിയൂര്‍ കാക്കാമൂല സ്വദേശി മണിക്കുട്ടനെയാണ് (47) വെഞ്ഞാറമൂട് പോലീസ് അറസ്റ്റു ചെയ്തത്.
ശനിയാഴ്ച രാത്രി 8.30-ഓടെ വെഞ്ഞാറമൂട് വേളാവൂരിനു സമീപമായിരുന്നു സംഭവം. ജോലി കഴിഞ്ഞ് വീട്ടിലേക്കു മടങ്ങുകയായിരുന്ന നാല്‍പ്പത്തിയഞ്ചുകാരിയെ മുന്‍വൈരാഗ്യം കാരണം ആക്രമിച്ചെന്നാണ് കേസ്. ഇവരെ മണിക്കുട്ടന്‍ മര്‍ദിക്കുകയും കത്തികൊണ്ടു കുത്തുകയുമായിരുന്നു. സ്ത്രീയുടെ നിലവിളി കേട്ടെത്തിയ നാട്ടുകാര്‍ അക്രമിയെ തടഞ്ഞുവെച്ച്‌ പോലീസില്‍ ഏല്‍പ്പിക്കുകയായിരുന്നു. വെഞ്ഞാറമൂട് എസ്.എച്ച്‌.ഒ. അനൂപ് കൃഷ്ണയുടെ നേതൃത്വത്തിലെത്തിയ പോലീസ് സംഘത്തിനാണ് പ്രതിയെ കൈമാറിയത്.