മൂവാറ്റുപുഴ: ഇതരസംസ്ഥാന തൊഴിലാളികളായ രണ്ടു പേരെ മുവാറ്റുപുഴ അടൂപറമ്പിൽ മരിച്ചനിലയിൽ കാണപ്പെട്ടു. കഴുത്തറുത്ത നിലയിലായിരുന്നു മൃതദേഹം കിടന്നിരുന്നത്. കൂടാതെ ഇവരുടെ കൂടെ താമസിച്ചിരുന്ന ഇതരസംസ്ഥാന തൊഴിലാളിയായ സുഹൃത്തിനെയും കാണാതായിട്ടുണ്ട്.
ആസാം സ്വദേശികളായ മോഹൻതോ, ദീപങ്കർ ബസുമ്മ എന്നിവരാണ് മരിച്ചത്. അടൂപറമ്പ് കമ്പനിപടിയിൽ തടിമില്ലിലാണ് മൃതദേഹങ്ങൾ കണ്ടെത്തിയത്. തടിമില്ലിലെ തൊഴിലാളികളാണ് ഇരുവരും. കാണാതായ സുഹൃത്തിനെ കേന്ദ്രീകരിച്ച് പോലീസ് അന്വേഷണം ആരംഭിച്ചിട്ടുണ്ട്.