ഇടുക്കി: നെടുങ്കണ്ടം കല്ലാര്‍ ശ്രീ സുബ്രഹ്മണ്യ സ്വാമി ക്ഷേത്രത്തില്‍ കവര്‍ച്ച. കാണിക്ക വഞ്ചികളും അലമാരയും കുത്തിത്തുറന്ന് സ്വര്‍ണവും പണവും മോഷ്ടിച്ചു. ക്ഷേത്രത്തിലെ സിസിടിവിയും മോഷ്ടാവ് അപഹരിച്ചു. കഴിഞ്ഞ ദിവസം രാത്രിയിലാണ് കല്ലാര്‍ ശ്രീ സുബ്രഹ്മണ്യ സ്വാമി ക്ഷേത്രത്തില്‍ മോഷണം നടന്നത്. ശ്രീകോവില്‍ തുറന്ന മോഷ്ടാവ്, പ്രധാന കാണിക്ക വഞ്ചി അടക്കം നാല് കാണിക്ക വഞ്ചികള്‍ കുത്തിത്തുറന്നു. ഇതിനായി ഉപയോഗിച്ച കമ്ബി സമീപത്ത് നിന്ന് കണ്ടെത്തിയിട്ടുണ്ട്.
ക്ഷേത്രം ഓഫീസിനകത്ത് പ്രവേശിച്ച മോഷ്ടാവ്, അലമാരയില്‍ സൂക്ഷിച്ചിരുന്ന സ്വര്‍ണവും അപഹരിച്ചു. ക്ഷേത്രത്തിലെ സിസിടിവി ക്യാമറകളും മോണിറ്ററും ഹാര്‍ഡ് ഡിസ്‌കും മോഷ്ടാവ് കൊണ്ടുപോയി. ഏകദേശം ഒരു ലക്ഷം രൂപയുടെ നഷ്ടം സംഭവിച്ചെന്നാണ് സൂചന. കഴിഞ്ഞ ദിവസം ക്ഷേത്രത്തില്‍ സ്‌കന്ദ ഷഷ്ഠി ആഘോഷം നടന്നിരുന്നു. ഇതില്‍ നിന്ന് കാണിക്കയായി കിട്ടിയ പണം മുഴുവന്‍ നഷ്ടപ്പെട്ടെന്ന് ക്ഷേത്ര ഭാരവാഹികള്‍ പറഞ്ഞു. നെടുങ്കണ്ടം പോലീസ് അന്വേഷണം ആരംഭിച്ചു