പെരുമ്പാവൂർ: രേഖകളില്ലാതെ കൊണ്ടുവന്ന രണ്ടു കോടി രൂപയുമായി രണ്ടു യുവാക്കളെ എറണാകുളം റൂറൽ ഡിസ്ട്രിക്റ്റ് ആന്റി നർക്കോട്ടിക്ക് സ്പെഷൽ ആക്ഷൻ ഫോഴ്സും, പെരുമ്പാവൂർ പോലീസും ചേർന്ന് പിടികൂടി. വാഴക്കുളം വെളിയത്ത്കുന്നേൽ അമൽ മോഹൻ, കല്ലൂർക്കാട് തഴുവാംകുന്ന് കാരികുളത്തിൽ അഖിൽ എന്നിവരാണ് പോലീസ് കസ്റ്റഡിയിൽ ഉള്ളത്.
ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് കോയമ്പത്തൂരിൽ നിന്നും കോട്ടയം ഭാഗത്തേക്കു കൊണ്ടുപോകാൻ ശ്രമിച്ച ഹവാലപണം പിടിച്ചെടുത്തത്. പണം പ്രത്യേകം പൊതിഞ്ഞ് കാറിലെ രഹസ്യ അറകളിലാക്കിയാണ് സൂക്ഷിച്ചിരുന്നത്. അങ്കമാലിയിൽ നിന്ന് വാഹനത്തെ പിന്തുടർന്നെത്തിയ പോലീസ് സംഘം വല്ലത്ത് വച്ചാണ് പിടികൂടിയത്.