തൃശൂര്‍ വാല്‍പ്പാറയില്‍ കുളിക്കാനിറങ്ങിയ അഞ്ച് യുവാക്കള്‍ ഒഴുക്കില്‍പ്പെട്ട് മരിച്ചു. കോയമ്ബത്തൂര്‍ ഉക്കടം സ്വദേശികളായ അജയ്, റാഫേല്‍, ശരത്, വിനീത്, ധനുഷ് എന്നിവരാണ് മരിച്ചത്.ഷോളയാര്‍ എസ്‌റ്റേറ്റില്‍ കുളിക്കുമ്ബോഴായിരുന്നു അപകടം. ഇന്ന് വൈകുന്നേരം നാലരയോടെയായിരുന്നു അപകടം.
കോയമ്ബത്തൂരില്‍ നിന്നുള്ള വിദ്യാര്‍ത്ഥി സംഘമാണ് അപകടത്തില്‍പ്പെട്ടത്. കുളിക്കാനിറങ്ങിയ വിദ്യാര്‍ത്ഥികളില്‍ ഒരാള്‍ മുങ്ങിയപ്പോള്‍ രക്ഷപെടുത്താന്‍ ശ്രമിക്കുന്നതിനിടെ മറ്റുള്ളവരും അപകടത്തില്‍ പ്പെടുകയായിരുന്നു. നാട്ടുകാരും ഫയര്‍ഫോഴ്‌സും ചേര്‍ന്ന് നടത്തിയ തെരച്ചിലിലാണ് യുവാക്കളെ കണ്ടെത്തിയത്. മൃതദേഹങ്ങള്‍ ആശുപത്രിയിലേക്ക് മാറ്റി