നൂറനാട് സിബിഎം സ്കൂളിലെ ഗീതാഞ്ജലി വായനശാലയുടെ ആഭിമുഖ്യത്തിൽ ഒൿടോബർ പത്തിന് ദേശീയ തപാൽ ദിനം ആചരിച്ചു. വായനശാല ഹാളിൽ നടന്ന ചടങ്ങിൽ സ്കൂൾതല പ്രവർത്തനങ്ങളുടെ ഉദ്ഘാടനം പൂർവ്വ വിദ്യാർത്ഥിയും ഐരാണി ക്കുടി പോസ്റ്റ് ഓഫീസിലെ സബ് പോസ്റ്റ് മാസ്റ്ററായ ആഭ.ജി നിർവഹിച്ചു. പോസ്റ്റോഫീസ് സേവനങ്ങളെക്കുറിച്ച് നൂറനാട് പോസ്റ്റ് ഓഫീസിലെ പോസ്റ്റുമാനായ രാജി.എസ് കുട്ടികളോട് വിശദീകരിച്ചു.
തുടർന്ന്, സ്റ്റാമ്പ് പ്രദർശനം, വീട്ടിലേക്കൊരു കത്ത്, പോസ്റ്റ് കാർഡ് കളറിംഗ്,തപാൽ ദിന സ്പെഷ്യൽ ക്വിസ്, പോസ്റ്റ് ഓഫീസ് സന്ദർശനം എന്നിവ നടന്നു. പി.ടി.എ പ്രസിഡന്റ് ബൈജു പഴകുളം അധ്യക്ഷത വഹിച്ച ചടങ്ങിൽ സ്കൂൾ ഹെഡ്മിസ്ട്രസ് എസ് സജിനി,ഗീതാഞ്ജലി വായനശാല ലൈബ്രറി ഇൻ ചാർജ് അധ്യാപകൻ ആർ.സന്തോഷ് ബാബു എന്നിവർ ചേർന്ന് മുഖ്യാതിഥികളെ ആദരിച്ചു.
ഡെപ്യൂട്ടി എച്ച് എം ജെ.ഹരീഷ് കുമാർ സ്വാഗതം പറഞ്ഞ ചടങ്ങിന് പിടിഎ വൈസ് പ്രസിഡന്റ് മനോജ്, അധ്യാപകരായ എസ് രാജേഷ്, സ്മിതാ ബി പിള്ള, എസ് ഷിബുഖാൻ, ഉണ്ണികൃഷ്ണൻ, പ്രശോഭ് കൃഷ്ണൻ എന്നിവർ ആശംസകളും മാസ്റ്റർ ദേവനാരായണൻ നന്ദിയും പറഞ്ഞു