എറണാകുളം: കോളേജ് യൂണിയൻ തിരഞ്ഞെടുപ്പുമായി ബന്ധപ്പെട്ട് കൊച്ചി എടത്തല അൽഅമീൻ കോളേജിൽ കെ.എസ്.യു, എസ്എഫ്ഐ സംഘർഷം. ഉച്ചയോടെ നടന്ന തിരഞ്ഞെടുപ്പിൽ തോൽവി നേരിട്ട എസ്എഫ്ഐ പ്രവർത്തകർ തിരഞ്ഞെടുപ്പ് സുതാര്യമല്ലെന്ന ആരോപണവുമായി പ്രശ്നങ്ങൾ ഉണ്ടാക്കുകയായിരുന്നു എന്നാണ് വിദ്യാർത്ഥികൾ പറയുന്നത്.
തുടർന്ന് കെ.എസ്.യു പ്രവർത്തകരും രംഗത്തു വന്നതോടെ സംഘർഷം ഉടലെടുക്കുകയും ചെയ്തു. സംഭവത്തെ തുടർന്ന് അധ്യാപകരെയും, വിദ്യാർത്ഥികളെയും മുറിയിൽ പൂട്ടിയിട്ടതായും പറയുന്നു. രാത്രി വൈകിയും സംഘർഷാവസ്ഥയിൽ കാര്യമായ അയവു വന്നിട്ടില്ല. ഡിവൈഎസ്പി ഉൾപ്പെടെ വൻ പോലീസ് സന്നാഹമാണ് ക്യാംപസിൽ നിലയുറപ്പിച്ചിട്ടുള്ളത്.