കുട്ടമ്പുഴയിൽ പുഴയിലേക്ക് ചാടിയ ആളുടെ മൃതദേഹം കണ്ടെടുത്തു, ആളെ തിരിച്ചറിഞ്ഞു.

കോതമംഗലം: കഴിഞ്ഞ ദിവസം കുട്ടമ്പുഴ തട്ടേക്കാട് പാലത്തിന് മുകളിൽ നിന്നും പുഴയിലേക്ക് ചാടിയ ആളുടെ മൃതദേഹം കണ്ടെടുത്തു. മാമലകണ്ടത്ത് ബാർബർഷോപ് നടത്തിവന്നിരുന്ന പുഷ്പൻ എന്ന് വിളിക്കുന്ന പുഷ്പാംഗതൻ (70) ആണ് മരിച്ചത്.

രണ്ടു ദിവസത്തെ തിരച്ചിലിനൊടുവിൽ വ്യാഴാഴ്ച രാവിലെയാണ് മൃതദേഹം ലഭിച്ചത്. പാലത്തിന് മൂന്ന് കിലോമീറ്ററോളം താഴെ വെളളത്തിൽ പൊങ്ങിക്കിടന്ന നിലയിലാണ് മൃതദേഹം ഫയർഫോഴ്സ് ടീം കണ്ടെത്തിയത്. കോതമംഗലം താലൂക്കാശുപത്രിയിൽ സൂക്ഷിച്ചിട്ടുള്ള മൃതദേഹം പോലീസ് നടപടികൾക്ക് ശേഷം ബന്ധുക്കൾക്ക് വിട്ടുകൊടുക്കും