അടിമാലി: വീട്ടിൽ നട്ടു വളർത്തിയ കഞ്ചാവ് ചെടികളുമായി യുവാവിനെ അടിമാലി നാർക്കോട്ടിക് എൻഫോഴ്സ്മെന്റ് സ്ക്വാഡ് പിടികൂടി. രാജാക്കാട് പഴയ വിടുതി കോളനി ഭാഗത്ത്‌ പള്ളിക്കവല മാണിപ്പുറത്ത് സനീഷിനെയാണ് കഞ്ചാവ് ചെടികളുമായി കസ്റ്റഡിയിലെടുത്തത്. എൻഫോഴ്സ്മെന്റ് സ്ക്വാഡിന് ലഭിച്ച രഹസ്യ വിവരത്തെ തുടർന്ന് സർക്കിൾ ഇൻസ്പെക്ടർ രാജേന്ദ്രനും സംഘവും നടത്തിയ പരിശോധനയിലാണ് ചെടികൾ കണ്ടെത്തിയത്. പത്തു വർഷത്തോളം തടവുശിക്ഷ ലഭിക്കാവുന്ന കേസാണിതെന്ന് ഉദ്യോഗസ്ഥർ പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.