ഇടുക്കി: കണ്ടക്ടർക്ക് തോന്നിയ സംശയത്തെ തുടർന്ന് ഇടുക്കി ചേലച്ചുവട്ടിൽ നിന്നും ഒളിച്ചോടിയ മൂന്ന് വിദ്യാർത്ഥികളെ കോതമംഗലം പൊലീസ് തിരികെ വീട്ടിലെത്തിച്ചു. ബുധനാഴ്ച രാവിലെ സ്കൂളിലേക്കു പോയ കുട്ടികൾ നേരം വൈകിയിട്ടും തിരികെ വരാത്തതിനാൽ വീട്ടുകാരും, നാട്ടുകാരും അന്വേഷണം ആരംഭിച്ചു. എന്നാൽ കുട്ടികൾ വൈകിട്ട് ചെറുതോണിയിൽ നിന്ന് എറണാകുളത്തേക്കുള്ള സ്വകാര്യ ബസിൽ കയറിപ്പോവുകയായിരുന്നു. യൂണിഫോം മാറ്റി ബസിൽ കയറിയ മൂവരും ആലുവയ്ക്കാണ് ടിക്കറ്റെടുത്തത്.