തിരുവനന്തപുരം: ചെങ്കല്‍ മഹേശ്വരം ശിവപാര്‍വതി ക്ഷേത്രത്തില്‍ തുലാഭാരം നടത്തി നിയുക്ത എംഎല്‍എ ചാണ്ടി ഉമ്മൻ. 50 കിലോ വീതമുള്ള രണ്ട് ചാക്ക് പഞ്ചസാര കൊണ്ടാണു തുലാഭാരം നടത്തിയത്. പുതുപ്പള്ളി ഉപതിരഞ്ഞെടുപ്പിലെ വിജയത്തിന് പിന്നാലെയാണ് ചാണ്ടി ഉമ്മന്റെ സന്ദര്‍ശനം.
ഇന്നലെ രാവിലെ പാര്‍ട്ടി നേതാക്കള്‍ക്കൊപ്പമാണ് ചാണ്ടി ശിവപാര്‍വതി ക്ഷേത്രത്തിലേക്ക് എത്തിയത്. ക്ഷേത്രം മഠാധിപതി മഹേശ്വരാനന്ദ ചടങ്ങുകള്‍ക്കു നേതൃത്വം നല്‍കി. ലോകത്ത് ഏറ്റവും പൊക്കംകൂടിയ ശിവലിംഗ പ്രതിഷ്ഠയുള്ള ക്ഷേത്രമാണ് ചെങ്കലിലേത്. ചെങ്കല്‍ പഞ്ചായത്ത് വൈസ് പ്രസിഡന്റും കോണ്‍ഗ്രസ് ബ്ലോക്ക് കമ്മിറ്റി ജനറല്‍ സെക്രട്ടറിയുമായ അജിത്, ലാല്‍ രവി എന്നിവര്‍ ചാണ്ടിയെ അനുഗമിച്ചു.