85 വയസുകാരിയായ വൃദ്ധയെ ബലാത്സംഗം ചെയ്ത 28 കാരൻ അറസ്റ്റില്‍. ഡല്‍ഹിയിലെ നേതാജി സുഭാഷ് പ്ലേസ് പ്രദേശത്താണ് സംഭവം. സംഭവവുമായി ബന്ധപ്പെട്ട് 28 കാരനായ ആകാശ് എന്ന പ്രതിയെ പോലീസ് അറസ്റ്റ് ചെയ്തു. ഞെട്ടിക്കുന്ന സംഭവത്തില്‍ പോലീസിനെ ചോദ്യം ചെയ്ത് ഡല്‍ഹി വനിതാ കമ്മീഷൻ (ഡിസിഡബ്ല്യു) മേധാവി സ്വാതി മലിവാള്‍ രംഗത്തെത്തി.
വെള്ളിയാഴ്ച പുലര്‍ച്ചെ നാലോടെ വീട്ടിനുള്ളില്‍ വയോധിക ഉറങ്ങിക്കിടക്കുമ്ബോഴായിരുന്നു സംഭവം. 85 കാരിയുടെ വീട്ടില്‍ ഇടിച്ചുകയറിയാണ് പ്രതി കൃത്യം നടത്തിയത്. വീടിനുള്ളില്‍ കടന്ന ആകാശ് വൃദ്ധയെ മര്‍ദ്ദിക്കുകയും ബ്ലേഡ് ഉപയോഗിച്ച്‌ ചുണ്ടുകള്‍ അരിഞ്ഞെടുക്കുകയും ചെയ്തു. വയോധികയുടെ സ്വകാര്യ ഭാഗങ്ങളിലും മുഖത്തും ഗുരുതരമായി പരിക്കേറ്റിട്ടുണ്ട്.
കേസുമായി ബന്ധപ്പെട്ട മറ്റ് വിശദാംശങ്ങളോടൊപ്പം പ്രഥമ വിവര റിപ്പോര്‍ട്ടിന്റെ (എഫ്‌ഐ‌ആറിന്റെ) പകര്‍പ്പും തനിക്ക് നല്‍കണമെന്ന് ഡിസിഡബ്ല്യു ചീഫ് ഡല്‍ഹി പോലീസിനോട് ആവശ്യപ്പെട്ടു. അന്വേഷണം നടന്നുകൊണ്ടിരിക്കുകയാണെന്ന് പോലീസ് അറിയിച്ചു.