തിരുവനന്തപുരം: സിപിഎം വീണ്ടും അധികാരത്തിലെത്താതിരിക്കാന്‍ സഖാക്കള്‍ പ്രാര്‍ഥിക്കണമെന്നു കവിയും കേരള സാഹിത്യ അക്കാദമി അധ്യക്ഷനുമായ കെ. സച്ചിദാനന്ദൻ. തുടര്‍ച്ചയായി രണ്ടു തവണ അധികാരത്തിലേറുമ്ബോള്‍ പാര്‍ട്ടിക്ക് ധാര്‍ഷ്ട്യമേറുമെന്നും മൂന്നാം തവണയും അധികാരത്തില്‍ വന്നാല്‍ അത് നാശത്തിലേക്ക് നയിക്കുമെന്നും അദ്ദേഹം പറഞ്ഞു.
ബംഗാളില്‍ അതു കണ്ടെതാണെന്നും ദേശീയമാധ്യമത്തിനു നല്‍കിയ അഭിമുഖത്തില്‍ സച്ചിദാനന്ദൻ പറഞ്ഞു. ഞാൻ എന്‍റെ സഖാക്കളോട് പറഞ്ഞുകൊണ്ടേയിരിക്കുന്നു, അടുത്ത തവണ നിങ്ങള്‍ അധികാരത്തില്‍ വരാതിരിക്കാൻ പ്രാര്‍ത്ഥിക്കുക. കാരണം അത് പാര്‍ട്ടിയുടെ അവസാനമായിരിക്കുമെന്നും സച്ചിദാനന്ദൻ പറഞ്ഞു.
യുഎപിഎ ചുമത്തല്‍, മാവോയിസ്റ്റ് വേട്ട ഉള്‍പ്പെടെയുള്ള ഇടതു സര്‍ക്കാരിന്‍റെ പോലീസ് നയത്തോട് വിയോജിപ്പുണ്ടെന്നും ഗ്രോ വാസുവിനെതിരായ നിലപാട് ഒരു കമ്യൂണിസ്റ്റു സര്‍ക്കാര്‍ സ്വീകരിക്കാൻ പാടില്ലാത്തതാണെന്നും സച്ചിദാനന്ദൻ കൂട്ടിച്ചേര്‍ത്തു.