കൊച്ചി: ഗണപതിയെ പൂജിച്ച്‌ അയച്ച ചന്ദ്രയാൻ പേടകം ചന്ദ്രനില്‍ കാലു കുത്തുമെന്ന് ബി.ജെ.പി സംസ്ഥാന അദ്ധ്യക്ഷന്‍ കെ സുരേന്ദ്രന്‍. മറ്റു മതത്തെയും സ്വന്തം മതത്തെ കുറിച്ചും ആചാരങ്ങളെ കുറിച്ചും വാനോളം പുകഴ്ത്തുന്ന നിയമസഭ സ്പീക്കര്‍ എ.എൻ. ഷംസീര്‍ ഗണപതി മിത്താണെന്ന് പരാമര്‍ശിക്കുന്നു.
റഷ്യയുടെ ബഹിരാകാശ പേടകം ലൂണ ചന്ദ്രനില്‍ കാലുകുത്താതെ താഴെ വീണു. എന്നാല്‍ നമ്മുടെ ബഹിരാകാശ പേടകം ചന്ദ്രനില്‍ എത്തും. കാരണം ഗണപതി ഹോമം നടത്തിയും നാളികേരം ഉടച്ചുമാണ് നമ്മള്‍ എല്ലാ നല്ല കാര്യങ്ങളും ചെയ്തതെന്നും സുരേന്ദ്രൻ പറഞ്ഞു.
പുതുപ്പള്ളിയില്‍ ബി.ജെ.പി തെരഞ്ഞെടുപ്പ് കണ്‍വെൻഷൻ ഉദ്ഘാടനം ചെയ്ത് സംസാരിക്കവെയാണ് അദ്ദേഹം ഇക്കാര്യം പറഞ്ഞത്.