ആലപ്പുഴ: വിദേശത്ത്‌ ജോലി വാഗ്‌ദാനം ചെയ്‌ത്‌ തട്ടിപ്പ്‌ നടത്തിയ എറണാകുളം സ്വദേശിയെ ആലപ്പുഴ പോലീസ്‌ അറസ്‌റ്റ്‌ ചെയ്‌തു. കുവൈത്തിലുള്ള അറബിയുടെ ഏജന്റ്‌ എന്ന നിലയില്‍ അറബിക്ക്‌ കൊടുക്കാനാണെന്ന്‌ പറഞ്ഞ്‌ 7.5 ലക്ഷം രൂപ തട്ടിയെടുത്ത കേസിലാണ്‌ എറണാകുളം പള്ളുരുത്തി കുരുടന്‍ പറമ്ബില്‍ അബ്‌ദുള്‍ സലാം(60)നെ മാരാരിക്കുളം പോലീസ്‌ പിടികൂടിയത്‌. കോടതിയില്‍ ഹാജരാക്കിയ പ്രതിയെ റിമാന്‍ഡ്‌ ചെയ്‌തു.
മാരാരിക്കുളം പോലീസ്‌ സ്‌റ്റേഷന്‍ സബ്‌ ഇന്‍സ്‌പെക്‌ടര്‍ ഇ.എം. സജീറിന്റെ നേതൃത്വത്തില്‍ എസ്‌.ഐ. സുനില്‍കുമാര്‍, സി.പി.ഒമാരായ സുരേഷ്‌, ബൈജു, ജഗദീഷ്‌ എന്നീവര്‍ ഉള്‍പ്പെട്ട അന്വേഷണ സംഘമാണു പ്രതിയെ അറസ്‌റ്റ്‌ ചെയ്‌തത്‌.