തൃശൂര്: കൂട്ടില് കയറി കോഴികളെ വിഴുങ്ങിയ മലമ്ബാമ്ബിനെ പിടികൂടി. പറ്റത്തൂര് കുഞ്ഞാലിപ്പാറ രാമകൃഷ്ണന്റെ കോഴിക്കൂട്ടിലാണ് മലമ്ബാമ്ബിനെ കണ്ടെത്തിയത്. പുലര്ച്ചെ കോഴികളുടെ ശബ്ദം കേട്ട് വീട്ടുകാര് ഉണര്ന്ന് നോക്കിയപ്പോഴാണ് പാമ്ബിനെ കണ്ടെത്തിയത്. 12 അടിയോളം നീളമുള്ളതായിരുന്നു മലമ്ബാമ്ബ്. പിന്നീട് വനപാലകര് സ്ഥലത്തെത്തി പാമ്ബിനെ കൊണ്ടുപോയി വനത്തില് തുറന്നുവിട്ടു.