കായംകളം: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടു പോയി നിര്‍ബന്ധിച്ച്‌ മദ്യം കുടിപ്പിച്ച കേസില്‍ രണ്ടു പേര്‍ അറസ്‌റ്റില്‍. ഓച്ചിറ വയനകം രാധാഭവനത്തില്‍ രാഹുല്‍ (അമ്മിണി -28), കൊല്ലം തഴവ വടക്ക്‌ കാഞ്ഞിരത്തിനാല്‍ വീട്ടില്‍ രാജേഷ്‌ (39) എന്നിവരാണ്‌ കായംകുളം പോലീസിന്റെ പിടിയിലായത്‌.
17 കാരിയെ വൈഫൈ കണക്ഷന്‍ എടുത്തു നല്‍കാമെന്ന്‌ പറഞ്ഞ്‌ വിശ്വസിപ്പിച്ച്‌ വെള്ള ഇന്നോവ കാറില്‍ തട്ടിക്കൊണ്ടു പോയി കായംകുളം ബോട്ടുജെട്ടിക്കടുത്ത്‌ എത്തിച്ച്‌ ിര്‍ബന്ധിച്ചു മദ്യം കുടിപ്പിച്ച കേസിലാണ്‌ അറസ്‌റ്റ്. വെള്ളിയാഴ്‌ച ഉച്ചയ്‌ക്കു ശേഷമായിരുന്നു സംഭവം. ഇവരുടെ പ്രവൃത്തികളില്‍ സംശയം തോന്നിയ നാട്ടുകാര്‍ വിവരം പോലീസിലറിയിക്കുകയായിരുന്നു.