കൊച്ചി: നെടുമ്ബാശേരി വിമാനത്താവളത്തില്‍ നിന്നും 85 ലക്ഷം രൂപ വിലവരുന്ന സ്വര്‍ണം പിടികൂടി. ഇൻഡിഗോ എയര്‍ലൈൻസ് വിമാനത്തിന്‍റെ ടോയ്‌ലെറ്റില്‍ ഉപേക്ഷിച്ച നിലയില്‍ കസ്റ്റംസ് ഉദ്യോഗസ്ഥര്‍ സ്വര്‍ണം കണ്ടെത്തുകയായിരുന്നു. അവകാശികളില്ലാത്ത രണ്ട് ബാഗുകളില്‍ പേസ്റ്റ് രൂപത്തിലാണ് സ്വര്‍ണം കാണപ്പെട്ടത്. ഏകദേശം 1,709 ഗ്രാം സ്വര്‍ണമാണ് പിടികൂടിയത്. വിമാനത്തിലെ ജീവനക്കാരാണ് ഈ വിവരം കസ്റ്റംസില്‍ അറിയിച്ചത്. സംഭവത്തില്‍ അന്വേഷണം ആരംഭിച്ചു.