കൊച്ചി: പട്ടാപ്പകല്‍ യുവതിയെ നടുറോഡില്‍ കടന്നുപിടിച്ചയാള്‍ പോലീസ് പിടിയില്‍. തമിഴ്‌നാട് സ്വദേശി ബാബുവാണ് (36) നോര്‍ത്ത്പോലീസിന്‍റെ പിടിയിലായത്. കഴിഞ്ഞ ദിവസം രാവിലെ പതിനൊന്നരയോടെ കലൂര്‍ ജങ്ഷനിലാണ് സംഭവം. ജോലി ആവശ്യവുമായി ബന്ധപ്പെട്ട് കലൂര്‍ കതൃക്കടവ് റോഡിലൂടെ പോകുകയായിരുന്നു യുവതി. ഇയാള്‍ യുവതിയെ കടന്നുപിടിക്കുകയായിരുന്നു. ഒച്ചെവച്ചപ്പോള്‍ പിടിവിട്ട് ഇയാള്‍ ഓടി.
തുടര്‍ന്ന് യുവതി നോര്‍ത്ത് സ്‌റ്റേഷനിലെത്തി പരാതിപ്പെടുകയായിരുന്നു. സിസിടിവി കേന്ദ്രീകരിച്ച്‌ നടത്തിയ അന്വേഷണത്തില്‍ പ്രതിയെ തിരിച്ചറിഞ്ഞു. ഇയാളെ കലൂര്‍ ഭാഗത്ത് നിന്ന് രാത്രി പത്തോടെ അറസ്റ്റ് ചെയ്തു. ഇയാളെ 14ദിവസത്തേയ്ക്ക് റിമാൻഡ് ചെയ്തു