പെട്ടി ഓട്ടോറിക്ഷയിൽ മീൻ കച്ചവടത്തിന്റെ മറവിൽ കഞ്ചാവും നിരോധിത പുകയില ഉത്പന്നങ്ങളും വിറ്റ 3 യുവാക്കൾ പിടിയിൽ. വെൺമണി ഇല്ലത്തുമെപ്പുറം ഭാഗത്തു റോഡിൽ മീൻ കച്ചവടം നടത്തി വന്ന പത്തിയൂർ വില്ലേജിൽ എരുവ കൂട്ടെത്തു തേക്കതിൽ വീട്ടിൽ അബ്ദുൽ വാഹിദ് മകൻ ബിലാൽ,23, പത്തിയൂർ വില്ലേജിൽ വല്യത്തു കിഴക്കെത്തിൽ വീട്ടിൽ അജി മകൻ അജിംഷാ, 22, പത്തിയൂർ വില്ലേജിൽ കൂട്ടെത്തു തറയിൽ വീട്ടിൽ സമീർ മകൻ ഷാദിൽ 20 എന്നിവർ ആണ് പിടിയിൽ ആയത്. മീൻ വണ്ടിയിൽ കഞ്ചാവ് വിൽക്കുന്നു എന്ന രഹസ്യ വിവരത്തെ തുടർന്ന് വെൺമണി പോലീസ് ആണ് ഇവരെ പിടികൂടിയത്. വെൺമണി പോലീസ് സ്റ്റേഷനിലെ സ്പെഷ്യൽ ബ്രാഞ്ച് ഉദ്യോഗസ്ഥനും സംഘത്തിൽ ഉണ്ടായിരുന്നു. പിടിയിലായവർ കായംകുളം പോലീസ് സ്റ്റേഷനിലും മറ്റു സമീപ പോലീസ് സ്റ്റേഷനികളിലും മോഷണ – അടിപിടി കേസുകളിൽ പ്രതികളാണ്. പ്രതികൾക്ക് കഞ്ചാവ് ലഭിച്ചതിന്റെ ഉറവിടത്തെ കുറിച്ച് അന്വേഷണം നടത്തി വരുന്നു