കേരള മുനിസിപ്പൽ & കോർപ്പറേഷൻ വർക്കേഴ്സ് കോൺഗ്രസ് (INTUC) ഇരിങ്ങാലക്കുട യൂണിറ്റിന്റെ നേതൃത്വത്തിൽ തിങ്കളാഴ്ച്ച രാവിലെ 11.00 മണിക്ക് രാജീവ്‌ ഗാന്ധി ഇരിങ്ങാലക്കുട നഗരസഭ ടൌൺ ഹാളിൽ വെച്ച് വിദ്യാർത്ഥികൾക്ക് പഠനോപകരണ വിതരണവും,SSLC ഫുൾ A+നേടിയ ആയുഷ് എം സുഭാഷ്,ആദിത്യൻ എം ബിജു, പ്ലസ് ടു ഫുൾ A+നേടിയ വിജയം ജെറോൻ സാബു,എന്നിവരെ ക്യാഷ് പ്രൈസും. ട്രോഫിയും നൽകിയും,ഉന്നത വിജയം കരസ്ഥമാക്കിയ ശ്രീഹരി എം അനിൽ, ആദിത്യകൃഷ്ണ വി ബാബു എന്നിവരെ ട്രോഫിയും നൽകി ആദരിച്ചു.
പുതുതായി തിരഞ്ഞെടുക്കപ്പെട്ട ഇരിങ്ങാലക്കുട നഗരസഭ ചെയർപേഴ്സൻ സുജ സഞ്ജീവ്കുമാറിനും,കോൺഗ്രസ് ഇരിങ്ങാലക്കുട ബ്ലോക്ക്‌ പ്രസിഡന്റായി തിരഞ്ഞെടുക്കപ്പെട്ട സോമൻ ചിറ്റേത്തിനും പൊന്നാടയും, സംഘടനയുടെ ഉപഹാരവും നൽകി സ്വീകരിച്ചു.സംഘടന വൈസ് പ്രസിഡന്റ് രാജമോഹനൻ വെള്ളാങ്ങല്ലൂർ സ്വാഗതം ആശംസിച്ചു.DCC സെക്രട്ടറിയും, മുൻ നഗരസഭ ചെയർപേഴ്സനുമായ സോണിയഗിരി യോഗം ഔപചാരികമായി ഉദ്ഘാടനം നിർവഹിച്ചു .
KM&CWC(INTUC)ജില്ലാ പ്രസിഡന്റും, യൂണിറ്റ് ജന:സെക്രട്ടറിയുമായ വിജയൻ ഇളയേടത്ത് അദ്ധ്യക്ഷത വഹിച്ചു . പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ജെയ്സൺ പാറേക്കാടൻ, KMCSA തൃശ്ശൂർ ജില്ലാ സെക്രട്ടറിയും, യുണിറ്റ് സെക്രട്ടറിയുമായ സുനിൽ കുമാർ,KMCSA യുണിറ്റ് പ്രസിഡന്റ് നൗഷാദ് തുടങ്ങിയവർ ആശംസകൾ അർപ്പിച്ചു സംസാരിച്ചു.യൂണിറ്റ് ട്രഷറർ സുഭാഷ്. എം. എം. നന്ദി പറഞ്ഞു