തൃശൂര്‍: വിദ്യാര്‍ത്ഥികളെയും യുവാക്കളെയും ലക്ഷ്യം വെച്ച്‌ വില്‍പ്പനക്കെത്തിച്ച എംഡിഎംഎയുമായി രണ്ട് യുവാക്കളെ തൃശൂര്‍ അന്തിക്കാട് പോലീസിന്റെ പിടികൂടി. 8.63 ഗ്രാം എംഡിഎംഎ ഇവരില്‍ നിന്നും കണ്ടെടുത്തു. തൃശ്ശൂര്‍ ആമ്ബല്ലൂര്‍ സ്വദേശികളായ ശ്രീകാന്തിനെയും അനുലാലിനെയുമാണ് അന്തിക്കാട് പോലീസ് പിടികൂടിയത്. 25 വയസാണ് ഇരുവര്‍ക്കും.
രണ്ട് പേര്‍ ലഹരി മരുന്നുമായി എത്തിയതായി ജില്ലാ പോലീസ് മേധാവി ഐശ്വര്യ ഡോംഗ്റയ്ക്ക് രഹസ്യ വിവരം ലഭിച്ചിരുന്നു. ഇതനുസരിച്ച്‌ പോലീസ് സംഘം നടത്തിയ തെരച്ചിലിലാണ് പഴുവിലുള്ള കോളേജിന് മുന്നിലെ റോഡില്‍ നിന്നും എംഡിഎഎയുമായി ഇവരെ പിടികൂടുന്നത്. വിദ്യാര്‍ത്ഥികള്‍ക്ക് ലഹരി മരുന്ന് കൈമാറാനായി എത്തിയതായിരുന്നു ഇവര്‍. ഇവര്‍ക്ക് എവിടെ നിന്ന് മയക്കുമരുന്ന് കിട്ടി എന്നതും ആര്‍ക്കൊക്കെയാണ് കൈമാറിയിരുന്നതെന്നുമുള്ള സൂചന അന്തിക്കാട് പോലീസിന് കിട്ടിയിട്ടുണ്ട്. ഇരിങ്ങാലക്കുട ഡി.വൈ.എസ്.പി. ടി.കെ. ഷൈജു, അന്തിക്കാട് ഇൻസ്‌പെക്ടര്‍ പി.കെ. ദാസ് തുടങ്ങിയവരുടെ നേതൃത്വത്തിലാണ് പുനരന്വേഷണം