തൃശൂര്‍: അതിരപ്പിള്ളിയില്‍ ആനക്കയത്ത് വിനോദ സഞ്ചാരികള്‍ക്ക് നേരെ കാട്ടാന ആക്രമണം. ബൈക്കില്‍ എത്തിയ തൃശൂര്‍ സ്വദേശി രോഹിത്, എറണാകുളം സ്വദേശിനി സോന എന്നിവര്‍ക്ക് പരിക്കേറ്റു.
വൈകിട്ട് 5.30 ഓടെയാണ് സംഭവം നടന്നത്. പത്ത് ബൈക്കുകളിലായി 20 പേരുടെ സംഘമാണ് ആനക്കയത്തേക്ക് എത്തിയത്. ഇവര്‍ക്ക് നേരെ ആന പാഞ്ഞടുക്കുകയായിരുന്നു. രോഹിത്തിന്റെ കാലില്‍ ചവിട്ടി തുമ്ബിക്കൈ ഉപയോഗിച്ച്‌ വലിച്ചെറിയാന്‍ ശ്രമിച്ചു. രോഹിത്തിനെയും സോനയേയും ചാലക്കുടിയിലെ ആശുപത്രിയില്‍ പ്രവേശിപ്പിച്ചു.