ബന്ദിപോറ: ജമ്മു കശ്മീരിലെ ബന്ദിപോറയില്‍ ഭീകരരും സുരക്ഷാസേനയും തമ്മില്‍ ഏറ്റുമുട്ടല്‍. ബന്ദിപോറയിലെ കെറ്റ്സണ്‍ വനമേഖലയിലാണ് ഏറ്റുമുട്ടല്‍ നടക്കുന്നത്. ഭീകരരും സുരക്ഷാസേനയും പരസ്പരം വെടിയുതിർത്തു. വനമേഖലയില്‍ ഒളിച്ചിരിക്കുന്ന ഭീകരനെ കണ്ടെത്താനുള്ള തിരച്ചിലിലാണ് സുരക്ഷാസേന.
അതിനിടെ, ജമ്മു കശ്മീരിലെ സോപോറില്‍ നിന്ന് ഭീകരരുടെ കൂട്ടാളിയെ സുരക്ഷസേന പിടികൂടി. ജമ്മു കശ്മീർ പൊലീസും സി.ആർ.പി.എഫും ചേർന്നാണ് ഇയാളെ പിടികൂടിയത്. ഒരു പിസ്റ്റലും ഏഴ് വെടിയുണ്ടകളും ഒരു മാസികയും ഭീകരനില്‍ നിന്ന് കണ്ടെടുത്തു. കഴിഞ്ഞ ഞായറാഴ്ച ശ്രീനഗറിലെ ആഴ്ച കമ്ബോളത്തിലും ടൂറിസ്റ്റ് റിസെപ്ഷൻ സെന്‍ററിലും നടന്ന ഗ്രനേഡ് ആക്രമണത്തില്‍ സ്ത്രീ ഉള്‍പ്പെടെ 12 പേർക്ക് പരിക്കേറ്റിരുന്നു. ആക്രമണം നടന്ന സ്ഥലത്ത് ശ്രീനഗർ പൊലീസ് യു.എ.പി.എ നടപ്പാക്കി.