ആലപ്പുഴ: കെഎസ്യു പ്രവർത്തകരെ എസ്‌എഫ്‌ഐക്കാർ മർദിച്ചെന്ന് ആരോപിച്ച്‌ ആലപ്പുഴ ജില്ലയില്‍ ഇന്ന് കെഎസ്യു വിദ്യാഭ്യാസ ബന്ദ് ആചരിക്കുന്നു. അമ്ബലപ്പുഴ ഗവ.കോളജിലെ കെഎസ്യു വിജയാഘോഷത്തെ തുടർന്നുണ്ടായ സംഘർഷത്തില്‍ നാലു പേർക്ക് പരിക്കേറ്റു. പരിക്കേറ്റ് ചികിത്സയിലായിരുന്നവരെ ആശുപത്രിയില്‍ വച്ച്‌ എസ്‌എഫ്‌ഐ പ്രവർത്തകർ ആക്രമിച്ചുവെന്ന് കെഎസ്യു ആരോപിച്ചു. കോളജ് യൂണിയൻ തെരഞ്ഞെടുപ്പില്‍ ഒരു സീറ്റ് ഒഴികെ മുഴുവൻ സീറ്റിലും കെഎസ്യു വിജയിച്ചിരുന്നു. ഇതിന്‍റെ വിജയാഘോഷമാണ് സംഘർഷത്തില്‍ കലാശിച്ചത്.