തൃശൂർ: ജില്ലയില്‍ മൂന്നിടങ്ങളിലായി വൻ എടിഎം കൊള്ള. ഷൊർണൂർ റോഡ്, കോലാഴി, മാപ്രാണം എന്നിവിടങ്ങളിലെ എസ്ബിഐ എടിഎമ്മുകളിലാണ് കൊള്ളയടിച്ചത്. പുലർച്ചെ മൂന്നിനും നാലിനും മധ്യേയാണ് കവർച്ച നടന്നതെന്നാണ് സൂചന. ഗ്യാസ് കട്ടർ ഉപയോഗിച്ചാണ് കൊള്ള നടത്തിയിരിക്കുന്നത്. 60 ലക്ഷം രൂപ കവർന്നെന്ന് പ്രാഥമിക നിഗമനം. കാറിലെത്തിയ നാലംഗ സംഘമാണ് കവർച്ച നടത്തിയതെന്നാണ് പ്രാഥമിക അനുമാനം. പൊലീസ് തെരച്ചില്‍ ഊർജ്ജിതമാക്കിയിട്ടുണ്ട്.