പത്താം ക്ലാസ്, ഐടിഐ യോഗ്യതയുള്ളവർക്ക് വിവിധ ട്രേഡുകളില്‍ അപ്രൻ്റീസ് തസ്തികയിലേക്ക് ഈസ്റ്റേണ്‍ റെയില്‍വേ റിക്രൂട്ട്മെൻ്റ് സെല്‍ അപേക്ഷ ക്ഷണിച്ചു. 3115 ഒഴിവുകളാണുള്ളത്. സെപ്റ്റംബർ 24 മുതല്‍ ഒക്ടോബർ 23 വരെ ഓണ്‍ലൈനായി അപേക്ഷിക്കാവുന്നതാണ്. 15-നും 24-നും ഇടയില്‍ പ്രായമുള്ളവർക്ക് അപേക്ഷിക്കാവുന്നതാണ്. 50 ശതമാനം മാർക്കോടെ പത്താം ക്ലാസ് പാസായിരിക്കണം. പട്ടികവർഗക്കാർ‌ക്കും വനിതകള്‍ക്കും അപേക്ഷ ഫീസില്ല. മറ്റുള്ളവർ 100 രൂപ ഓണ്‍ലൈനായി അടയ്‌ക്കണം.
അപേക്ഷിക്കേണ്ട വിധം:
1. ഔദ്യോഗിക വെബ്സൈറ്റായ er.indianrailways.gov.in സന്ദർശിക്കുക.
2. ഹോംപേജില്‍ റിക്രൂട്ട്‌മെന്റ് ലിങ്ക് തെരഞ്ഞെടുക്കുക.
3. ഏത് തസ്തികയിലേക്കാണ് അപേക്ഷിക്കാൻ ആഗ്രഹിക്കുന്നത്, അവയുടെ യോഗ്യതകള്‍ പരിശോധിക്കുക.
4. അപേക്ഷ പൂർത്തിയാക്കുക. 5. ഡൗണ്‍ലോഡ് ചെയ്ത് പ്രിന്റ് ഔട്ടെടുക്കുക.