തൃത്താല: പാലക്കാട് തൃത്താലയില്‍ വീടിനു മുന്നില്‍ നി൪ത്തിയിട്ട കാറിന് തീയിട്ട സംഭവത്തില്‍ പ്രദേശവാസിയായ യുവാവ് കസ്റ്റഡിയില്‍. തൃത്താല പോലീസാണ് യുവാവിനെ കസ്റ്റഡിയിലെടുത്തത്.
തൃത്താല ആനക്കര സ്വദേശി ഗിരീഷിന്‍റെ കാറാണ് കത്തി നശിച്ചത്. അധ്യാപകനായ ഗിരീഷ് വീട്ടിലേക്ക് കാറെത്താത്തതിനാല്‍ ബന്ധുവായ കണ്ണംകുഴിയില്‍ ദിനേഷ് കുമാറിന്‍റെ വീട്ടിലായിരുന്നു കാ൪ നി൪ത്തിയിട്ടിരുന്നത്. കഴിഞ്ഞ ദിവസം രാത്രിയാണ് കാറിന് തീയിട്ടത്.
കഴിഞ്ഞ ദിവസം കാ൪ നി൪ത്തിയിട്ട വീടിന് മുന്നില്‍ പ്രദേശവാസിയായ ജിതേഷും നാട്ടുകാരും തമ്മില്‍ വാക്കുത൪ക്കമുണ്ടായിരുന്നു. മദ്യപിച്ചെത്തിയ ജിതേഷ് റോഡരികില്‍ നി൪ത്തിയിട്ടിരുന്ന ബൈക്ക് തള്ളിയിട്ടു. ഇതിന്‍റെ തുടര്‍ച്ചയായാണ് കാറിന് തീയിട്ടതെന്നാണ് പൊലീസിന്റെ പ്രാഥമിക നിഗമനം.