കോതമംഗലം: അഭിനയിക്കാൻ അവസരം നൽകാമെന്ന് പറഞ്ഞ് ആറുപേർ തന്നെ പീഡിപ്പിച്ച പരാതിയുമായി യുവതി രംഗത്തെത്തി. പരാതിയിൽ ആറാം പ്രതിയായി യുവനടൻ നിവിൻപോളിയും ഉണ്ട്. യുവതിയുടെ പരാതി പ്രകാരം കോതമംഗലം ഊന്നുകൽ പോലീസ് സ്റ്റേഷനിൽ കേസ് രജിസ്റ്റർ ചെയ്ത് തിങ്കളാഴ്ച യുവതിയുടെ മൊഴിയെടുത്തു എങ്കിലും ചൊവ്വാഴ്ചയോടെയാണ് സമൂഹമാധ്യമങ്ങളിൽ വാർത്തകൾ വന്നത്. തുടർന്ന് ചൊവ്വാഴ്ച വൈകിട്ടോടെ കൊച്ചിയിൽ വച്ച് നിവിൻപോളി പത്രസമ്മേളനം വിളിച്ച് സംഭവം നിഷേധിക്കുകയും, നിയമപരമായി കാര്യങ്ങൾ നേരിടുകയും ചെയ്യുമെന്ന് അറിയിച്ചു. പരാതിക്കാരി പെൺകുട്ടിയെ അറിയില്ലെന്നും, വാർത്ത കുടുംബത്തെ ബാധിച്ചു എന്നും നിവിൻപോളി വാർത്താ സമ്മേളനത്തിൽ പ്രതികരിച്ചു.