പാലക്കാട്: നിബന്ധനകള്‍ക്ക് വിധേയമായി പട്ടാമ്ബി പാലം ഇന്ന് മുതല്‍ തുറന്നുകൊടുക്കും. ജില്ലാ കളക്ടറുടെ ഉത്തരവിനെ തുടര്‍ന്നാണ് പാലം വാഹന ഗതാഗതത്തിന് തുറന്നുകൊടുക്കുന്നത്. ഒരു സമയം ഒരു ഭാഗത്തേക്കുള്ള വാഹനങ്ങള്‍ മാത്രം കടത്തി വിടണമെന്നും പാലത്തിന് മുകളില്‍ ആവശ്യമായ സുരക്ഷയും ഒരുക്കാനും നിര്‍ദേശം നല്‍കിയിട്ടുണ്ട്.
കനത്ത മഴയില്‍ പട്ടാമ്ബിപാലം മുങ്ങിപ്പോയിരുന്നു. വെള്ളം ഇറങ്ങിയപ്പോഴും പാലത്തിന്‍റെ കൈവരികള്‍ ഒഴുകിപ്പോയതിനാല്‍ വാഹന ഗതാഗതം നിര്‍ത്തലാക്കിയിരുന്നു. നിലവില്‍ പാലത്തിലൂടെ വാഹനങ്ങള്‍ കടത്തിവിടുന്നില്ലെങ്കിലും കാല്‍നടയായി സഞ്ചരിക്കാന്‍ കഴിയും. കഴിഞ്ഞ ദിവസങ്ങളില്‍ ഏറ്റവും കൂടുതല്‍ മഴ ലഭിച്ച ജില്ലകളില്‍ ഒന്നാണ് പാലക്കാട്. 39 ദുരിതാശ്വാസ ക്യാമ്ബുകള്‍ ആണ് ജില്ലയില്‍ തുറന്നതെന്ന് കളക്ടര്‍ അറിയിച്ചിരുന്നു.