കൊച്ചി: പെരുമ്ബാവൂർ വേങ്ങൂരില്‍ കാട്ടാനയുടെ ജഡം കണ്ടെത്തി. കൊച്ചുപുരയ്ക്കല്‍ കടവില്‍ ഫ്രാൻസിസ് എന്നയാളുടെ വീടിനോട് ചേർന്നുള്ള പുരയിടത്തില്‍ നിന്നാണ് പിടിയാനയുടെ ജഡം കണ്ടെത്തിയത്. പ്രദേശത്ത് ദുർഗന്ധം ഉയർന്നതോടെ നാട്ടുകാർ തിരച്ചില്‍ നടത്തുകയും തുടർന്ന് ആനയുടെ ജഡം കണ്ടെത്തുകയുമായിരുന്നു. ജഡത്തിന് ഒന്നില്‍ കൂടുതല്‍ ദിവസത്തെ പഴക്കമുണ്ട്. ഇലക്‌ട്രിക് ലൈനില്‍ നിന്ന് ഷോക്കേറ്റാണ് ആന ചരിഞ്ഞതെന്നാണ് നിഗമനം. സമീപത്തെ പ്ലാവില്‍നിന്ന് ചക്കയിടാൻ ശ്രമിക്കുന്നതിനിടെ ആനയ്ക്ക് ഷോക്കേറ്റതാകാം എന്ന് സംശയിക്കുന്നു.