ചെങ്ങന്നൂർ താലൂക്കിൽ, മുളക്കുഴ വില്ലേജിൽ, കാരക്കാട് വീട്ടിൽ വെട്ടിയാർ പടിഞ്ഞാറേതിൽ വീട്ടിൽ രാജേഷിൻറെ മകൻ ജിത്തുരാജിനെ 1.74 കിലോ കഞ്ചാവുമായി അറസ്റ്റ് ചെയ്തു. എക്സൈസ് ഇൻസ്പെക്ടർക്ക് ആലപ്പുഴ എക്സൈസ് കൺട്രോൾ റൂമിൽ നിന്നും ലഭിച്ച രഹസ്യ വിവരത്തെത്തുടർന്ന് റെയിഡിലാണ് കഞ്ചാവ് കണ്ടെടുത്തത്. മുൻ കഞ്ചാവ് കേസുകളിൽ പ്രതിയാണ് അറസ്റ്റ് ചെയ്യപ്പെട്ട ജിത്തുരാജ്.
കഞ്ചാവിന്റെ ഉറവിടത്തെ പറ്റിയുള്ള അന്വേഷണങ്ങൾ തുടരുന്നു. ചെങ്ങന്നൂർ എക്സൈസ് ഇൻസ്പെക്ടർ എസ്. ബൈജു,അസിസ്റ്റന്റ് എക്സൈസ് ഇൻസ്പെക്ടർ ജോഷി ജോൺ, പ്രിവന്റിവ് ഓഫീസർ അൻസു പി ഇബ്രാഹിം, സിവിൽ എക്സൈസ് ഓഫീസർമാരായ വിനീത്.വി, കെ. ബിനു, പ്രവീൺ.ജി വനിതാ സിവിൽ എക്സൈസ് ഓഫീസർ ഉത്തരനാരായണൻ എന്നിവർ അടങ്ങിയ സംഘമാണ് കേസ് കണ്ടെടുത്തത്.