കൊച്ചി: അരൂർ- തുറവൂർ ദേശിയപാത അറ്റകുറ്റപ്പണി നടക്കുന്നതിനാല്‍ പ്രദേശത്തെ സ്കൂളുകള്‍ക്ക് ഇന്ന് അവധി നല്‍കി വിദ്യാഭ്യാസ വകുപ്പ്. തുറവൂർ ഗവ. യുപി സ്കൂള്‍, കോടംതുരുത്ത് ഗവ. എല്‍പി സ്കൂള്‍, കോടംതുരുത്ത് ഗവ. എച്ച്‌എസ്‌എസ്, എരമല്ലൂർ സെന്റ് ഫ്രാൻസിസ് സേവ്യേഴ്സ് എല്‍പിഎസ്, ചമ്മനാട് ഇസിഇകെ യൂണിയൻ എച്ച്‌എസ്, ചന്തിരൂർ ഗവ. എച്ച്‌ എസ് എസ്, അരൂർ ഔവർ ലേഡി ഓഫ് മേഴ്സി എച്ച്‌എസ്‌എസ്, എന്നീ സ്കൂളുകള്‍ക്കാണ് അവധി. ഇന്നലേയും ഈ സ്കൂളുകള്‍ക്ക് അവധിയായിരുന്നു. എലവേറ്റഡ് ഹൈവേ നിർമാണവും അവശേഷിക്കുന്ന ഭാഗത്തെ കുഴികളും മൂലം യാത്രദുരിതം രൂക്ഷമായ ദേശിയ പാതയിലെ അരൂർ മുതല്‍ തുറവൂർ വരെയുള്ള ഭാഗത്ത് താല്‍ക്കാലിക സംവിധാനം എന്ന നിലയിലാണ് അറ്റകുറ്റപ്പണി നടക്കുന്നത്. അരൂർ, ചന്തിരൂർ, എരമല്ലൂർ ഭാഗങ്ങളില്‍ പണി പൂർത്തിയായി.