പെരുമ്പാവൂർ: ചൊവ്വാഴ്ച പുലർച്ചെ പെരുമ്പാവൂർ വട്ടക്കാട്ടുപടിയിൽ ഒഡീഷ കാണ്ടമാൽ ഉദയഗിരി സ്വദേശിയായ ആകാശ്ദിഗലിനെ കുത്തിക്കൊലപ്പെടുത്തിയ ശേഷം രക്ഷപ്പെടാൻ ശ്രമിച്ച പ്രതിയെ പെരുമ്പാവൂർ പോലീസ് മണിക്കൂറുകൾക്കകം പിടികൂടി. ഒഡീഷ സ്വദേശി തന്നെയായ അഞ്ജൻ നായികാണ് രക്ഷപ്പെടാനുള്ള ശ്രമത്തിനിടെ വല്ലത്തുനിന്നും പിടിയിലായത്.
കടം മേടിച്ച ആയിരം രൂപയെ ചൊല്ലിയുള്ള വാക്കുതർക്കം കൊലപാതകത്തിൽ കലാശിക്കുകയായിരുന്നു. രണ്ടു പ്ലൈവുഡ് കമ്പനിയിലായി ജോലിയെടുത്തിരുന്ന ഇരുവരും പലവട്ടം പണത്തെച്ചൊല്ലി വഴക്കിട്ടിരുന്നു. ജില്ലാ പോലീസ് മേധാവി വൈഭവ് സക്സേനയുടെ മേൽനോട്ടത്തിലുള്ള പ്രത്യേക ടീമാണ് ഊർജ്ജിതമായ അന്വേഷണത്തിലൂടെ പ്രതിയെ പിടികൂടിയത്