കല്‍പറ്റ: വയനാട് പള്ളിക്കല്‍ പാലമുക്കിലുണ്ടായ വാഹനാപകടത്തില്‍ ഒമ്ബത് പേർക്ക് പരിക്ക് പറ്റി. നിയന്ത്രണം വിട്ട കാർ സമീപത്തു നില്‍ക്കുന്നവർക്കിടയിലേക്ക് പാഞ്ഞു കയറിയാണ് അപകടം നടന്നത്. പള്ളിക്കല്‍ നേർച്ചയ്ക്ക് ശേഷം മടങ്ങുന്നവർക്കാണ് അപകടത്തില്‍ പരിക്കേറ്റത്. പരിക്കേറ്റവർ മാനന്തവാടി മെഡിക്കല്‍ കോളേജില്‍ ചകിത്സ തേടി. മൂന്നുപേരെ കോഴിക്കോട് മെഡിക്കല്‍ കോളേജിലേക്ക് മാറ്റിയിട്ടുണ്ട്. തോണിച്ചാല്‍ ഭാഗത്ത് നിന്ന് കല്യാണത്തും പള്ളിക്കല്‍ ഭാഗത്തേക്ക് വന്ന കാറാണ് അപകടമുണ്ടാക്കിയത്.