ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധിയെ പ്രതിപക്ഷനേതാവായി തെരഞ്ഞെടുത്തു. ഇൻഡ്യാ മുന്നണിയുടെ യോഗത്തിലാണ് തീരുമാനം. ഇക്കാര്യം വ്യക്തമാക്കുന്ന കത്ത് പ്രോടെം സ്പീക്കർക്ക് നല്‍കി.
സ്പീക്കർ തെരഞ്ഞെടുപ്പ് ഒറ്റക്കെട്ടായി നേരിടുമെന്ന് ഇൻഡ്യാ സഖ്യം അറിയിച്ചു. പതിനെട്ടാം ലോക്സഭാംഗമായി രാഹുല്‍ ഗാന്ധി ഇന്ന് സത്യപ്രതിജ്ഞ ചെയ്തു. റായ്ബറേലി എംപിയായാണ് രാഹുല്‍ സത്യപ്രതിജ്ഞ ചെയ്തത്.
സത്യപ്രതിജ്ഞ ചൊല്ലാനായി വിളിച്ച വേളയില്‍ ഡസ്‌കില്‍ കൈയടിച്ച്‌ ആഘോഷത്തോടെയാണ് പ്രതിപക്ഷം രാഹുലിനെ വരവേറ്റത്. ഭരണഘടന വലതു കൈയില്‍ ഉയർത്തിപ്പിടിച്ചാണ് രാഹുല്‍ സത്യവാചകം ചൊല്ലിയത്.