ഇടുക്കി: ശനിയാഴ്ച വൈകിട്ട് കട്ടപ്പന ഇരട്ടയാർ ഉപ്പുകണ്ടത്താണ് ശവസംസ്കാരചടങ്ങുകൾക്ക് ഇടയിലേക്ക് നിയന്ത്രണം നഷ്ടപ്പെട്ട ബോലേറോ ഇടിച്ചു കയറി അപകടം ഉണ്ടായത്. അപകടത്തിൽ ഉപ്പുകണ്ടം സ്വദേശിയായ നെല്ലംപുഴയിൽ സ്കറിയ (70) ആണ് മരിച്ചത്.
ഉപ്പുകണ്ടം കൊറ്റിനിക്കൽ മറിയക്കുട്ടിയുടെ സംസ്കാരചടങ്ങുകൾ നടക്കുന്നതിനിടെയാണ്, വീടിനു മുന്നിലെ റോഡിലെ ഇറക്കത്തിൽ നിന്നും വാഹനം നിയന്ത്രണം നഷ്ടപ്പെട്ട് ആളുകൾക്കിടയിലേക്ക് ഇടിച്ചുകയറിയത്. പരിക്കേറ്റ സമീപവാസികളായ രണ്ടുപേരെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.