ലോക്‌സഭാ തെരഞ്ഞെടുപ്പിന്റെ നാലാം ഘട്ട വോട്ടെടുപ്പില്‍ 9 സംസ്ഥാനങ്ങളും ജമ്മുകശ്മീരിലെ ശ്രീനഗറുമുള്‍പ്പടെ 96 മണ്ഡലങ്ങള്‍ ഇന്ന് വിധിയെഴുതും. ആന്ധ്രപ്രദേശിലെ 25 മണ്ഡലങ്ങളിലും തെലുങ്കാനയിലെ 17 മണ്ഡലങ്ങളിലും ഇന്ന് ഒറ്റഘട്ടത്തില്‍ വോട്ടെടുപ്പ് പൂർത്തിയാകും.
സമാജ് വാദി പാര്‍ട്ടി അധ്യക്ഷന്‍ അഖിലേഷ് യാദവ്,കേന്ദ്രമന്ത്രി ഗിരിരാജ് സിംഗ്, അര്‍ജുന്‍ മുണ്ട,കോണ്‍ഗ്രസ് നേതാവ് അധീര്‍ രഞ്ജന്‍ ചൗധരി, മുന്‍ ക്രിക്കറ്റ് താരം യൂസഫ് പത്താന്‍ തുടങ്ങി നിരവധി പ്രമുഖ നേതാക്കളാണ് മത്സരരംഗത്തുള്ളത്. മെഹുവ മൊയ്ത്ര, എസ് എം സാദി, അമൃത റോയി എന്നിവര്‍ തമ്മില്‍ ത്രികോണമത്സരം നടക്കുന്ന കൃഷ്ണനഗറാണ് മറ്റൊരു ശ്രദ്ധേയ മണ്ഡലം.