തിരുവനന്തപുരം: കരമന അഖില്‍ വധക്കേസില്‍ കൃത്യത്തില്‍ പങ്കെടുത്ത മൂന്നു പേരും പിടിയിലായതായി പോലീസ്. മുഖ്യ പ്രതികളിലൊരാളായ സുമേഷിനെ തമിഴ്നാട്ടിലേക്ക് കടക്കാനുള്ള ശ്രമത്തിനിടെ കൊച്ചുവേളിയില്‍ നിന്ന് പോലീസ് അറസ്റ്റ് ചെയ്തു. കേസില്‍ പ്രതികളായിരുന്ന അഖില്‍ എന്ന അപ്പു, വിനീത് രാജ് എന്നിവരെ പോലീസ് നേരത്തെ അറസ്റ്റ് ചെയ്തിരുന്നു. ഗൂഢാലോചനയില്‍ പങ്കെടുത്ത് വാഹനമെത്തിച്ച്‌ നല്‍കിയ കുട്ടപ്പൻ എന്ന അനീഷ്, ഹരിലാല്‍, കിരണ്‍ കൃഷ്ണ, കിരണ്‍ എന്നിവരും നേരത്തെ പിടിയിലായിരുന്നു.
ഏതാനം ദിവസങ്ങള്‍ക്കു മുന്പ് ബാറില്‍വച്ചുണ്ടായ തർക്കമാണ് അഖിലിന്‍റെ കൊലപാതകത്തിലേക്ക് നയിച്ചത്. വെള്ളിയാഴ്ച വൈകുന്നേരം അഞ്ചിന് കാറിലെത്തിയ സംഘം അഖിലിനെ തട്ടിക്കൊണ്ടു പോയി കൊലപ്പെടുത്തി എന്നാണ് കേസ്.