കോട്ടയം-എറണാകുളം പാതയില്‍ കാഞ്ഞിരമറ്റം ചാലക്കപ്പാറ വിൻകോസ് പ്രസിന് സമീപം ബൈക്കും കാറും കൂട്ടിയിടിച്ച്‌ പെയിൻ്റിംഗ് തൊഴിലാളികള്‍ മരിച്ചു. അരയൻകാവ് സ്വദേശി ജോയല്‍ ജോസഫ് (21), ആമ്ബല്ലൂർ സ്വദേശി ഇൻസാം (25) എന്നിവരാണ് മരിച്ചത്.
തിങ്കളാഴ്ച പുലർച്ചെയായിരുന്നു അപകടം.മുളന്തുരുത്തിയിലെ ഒരു വീട്ടില്‍ ഗൃഹപ്രവേശന ചടങ്ങില്‍ പങ്കെടുത്ത ശേഷം ഇരുവരും ബൈക്കില്‍ ജോയലിൻ്റെ വീട്ടിലേക്ക് മടങ്ങുമ്ബോഴായിരുന്നു അപകടം. അപകടത്തില്‍ കാറിൻ്റെ മുൻഭാഗം പൂർണമായും തകർന്നു. ഇടിയുടെ ആഘാതത്തില്‍ ബൈക്ക് പല ഭാഗങ്ങളായി തകർന്നു. ജോയലിൻ്റെയും ഇൻസാമിൻ്റെയും സംസ്കാരം ഇന്നലെ നടന്നു