തൃശൂർ: കലാമണ്ഡലത്തില്‍ മോഹിനിയാട്ടം പഠിക്കാൻ ഇനി ആണ്‍കുട്ടികള്‍ക്കും പ്രവേശനം . ഇന്നത്തെ ഭരണ സമിതി യോഗത്തിലാണ് നിർണായക തീരുമാനം ഉണ്ടായിരിക്കുന്നത്. ലിംഗ ഭേദമെന്യേ കലാമണ്ഡലത്തില്‍ എല്ലാവർക്കും പ്രവേശനം നല്‍കുമെന്ന് ഭരണസമിതി അറിയിച്ചു. ഭരണസമിതി ഈ വിഷയത്തില്‍ ഐക്യകണ്ഠേനയാണ് തീരുമാനമെടുത്തത്.
ഭരതനാട്യത്തിലും കുച്ചിപ്പുടിയിലും തീയറ്റർ ആന്റ് പെർഫോമൻസ് മേക്കിങ്ങിലും കോഴ്സുകള്‍ ആരംഭിക്കും. കരിക്കുലം കമ്മറ്റിയാണ് പാഠ്യപദ്ധതി തീരുമാനിക്കുക. ചരിത്രമുഹൂർത്തം എന്നാണ് നീനാപ്രസാദും ക്ഷേമാവതിയും തീരുമാനത്തെ വിശേഷിപ്പിച്ചു. മോഹിനി ആയിരിക്കണം മോഹിനിയാട്ടം പഠിക്കോണ്ടതെന്നായിരുന്നു സത്യഭാമയുടെ വിവാദ പരമാർശനം.