നരേന്ദ്രമോദിയുടെ പാലക്കാട്ടെ റോഡ് ഷോ ബിജെപി പ്രവർത്തകരെ ആവേശത്തിലാഴ്ത്തി. പ്രകടനം നടന്നത് അഞ്ചുവിളക്കില്‍ നിന്നും പോസ്റ്റ് ഓഫീസ് ജംഗ്ഷൻ വരെയായിരുന്നു. റോഡ് ഷോയില്‍ പ്രധാനമന്ത്രിക്കൊപ്പം NDA സ്ഥാനാർത്ഥികളും പങ്കെടുത്തു. പ്രകാശ് ജാവദേക്കർ , ബിജെപി പാലക്കാട് ജില്ലാ പ്രസിഡണ്ട് എൻ ഹരിദാസ്, പാലക്കാട് നഗരസഭാ അധ്യക്ഷ പ്രമീള ശശിധരൻ എന്നിവർ ചേർന്ന് പാലക്കാട് മേഴ്സി കോളജിലെ ഹെലിപാഡിലിറങ്ങിയ പ്രധാനമന്ത്രിയെ സ്വീകരിച്ചു.
അദ്ദേഹത്തെ പാലക്കാട്ടെ ജനാവലി പുഷ്പവൃഷ്ടി നടത്തിയും വന്ദേമാതരം വിളിച്ചും സ്വീകരിച്ചു. റോഡ് ഷോ 30 മിനിറ്റോളം നടന്നു. മോദിയുടെ റോഡ് ഷോയില്‍ ഏകദേശം 50,000 പേര്‍ അണിനിരന്നുവെന്ന് ബിജെപി ജില്ലാ നേതൃത്വം അവകാശപ്പെട്ടു. പാലക്കാട് നഗരത്തില്‍ സന്ദർശനത്തിന് മുന്നോടിയായി കനത്ത സുരക്ഷ ഏര്‍പ്പെടുത്തിയിട്ടുണ്ട്. മോദി ഇന്നലെ വൈകിട്ട് കോയമ്ബത്തൂരിലും റോഡ് ഷോ നടത്തിയിരുന്നു