തിരുവനന്തപുരം: വർക്കലയില്‍ ഫ്രഞ്ച് വനിതയെ ആക്രമിച്ച കേസില്‍ യുവാവ് പിടിയില്‍. കണ്ണൂര്‍ സ്വദേശി ജിഷ്ണുവിനെയാണ് അറസ്റ്റ് ചെയ്തത്. ചൊവ്വാഴ്ച രാത്രി പതിനൊന്നോടെയാണ് സംഭവം നടന്നത്. വർക്കല പാപനാശം ബീച്ചില്‍ നിന്നും ക്ലിഫ് കുന്നിലേക്കുള്ള ഇടുങ്ങിയ വഴിയില്‍ വച്ചാണ് വയോധികയ്ക്ക് ലൈംഗികാതിക്രമം നേരിടേണ്ടി വന്നത്.
പ്രതിയായ ജിഷ്ണു ഫ്രഞ്ച് വനിതയോടൊപ്പം മൊബൈല്‍ ഫോണില്‍ സെല്‍ഫി എടുക്കണമെന്നുള്ള ആവശ്യവുമായി എത്തുകയും തുടര്‍ന്ന് ജിഷ്ണു ഇവരെ കടന്നു പിടിക്കുകയുമായിരുന്നു. വയോധിക ഭയന്നു നിലവിളിച്ചു കുതറിമാറിയോടിയതോടെ പ്രതിയും ഓടി രക്ഷപ്പെട്ടു. ഫ്രഞ്ച് വനിത നല്‍കിയ പരാതിയുടെ അടിസ്ഥാനത്തില്‍ വര്‍ക്കല പോലീസാണ് പ്രതിയെ പിടികൂടിയത്.